Асел Кадырбекова: Бир чечимге келип, өрттөнүп жаткан көңүлүм ордуна келе баштады

Ырчы айым Асел Кадырбекова 2020-жылды жыйынтыктап, 1 жылдык өмүр сабагы менен бөлүштү. Бул тууралуу ал өзүнүн Instagram баракчасына жазган.

Анын айтымында, бул жылдын жыйынтыгы ден соолугунун калыбына келиши менен жакшы жыйынтыкталган.

«Кудайга шүгүр! Жаман дебеймин. Эң негизгиси ден соолук ордуна келди. Ички дүйнөм, бир чечимге келип, өрттөнүп жаткан көңүлүм ордуна келе баштады. Ойлорумду жыйнадым! Санаам басылды. Баарын кечирдим, жана коё бердим! Жаңы пландарды койдум. Терең-терең дем алышты, кээ бир нерселерге маани бербөөнү, өзүмдү өзүм колго алып, эч нерсеге карабай, башты тик кармап, күлүп жашоону, жашоо өзү эле үйрөтүп койду. Жамандык эми болбосун. Бирөөнү жаман же жакшы деп айтпайм. Ар бир адамдын кылган чечимине. Өзүнүн көз карашы, ой жүгүртүүсү, кандайдыр абалды кабыл алуусу жана сөзсүз жакындары себеп болот. Демек, бул туура! Өзүбүздүн ой жүгүртүүбүз, көз карашыбыз өзгөрмөй сайын, жашообуз миң башынан баштаганда дагы, эч нерсе өзгөрбөйт. Жашоомдон алган сабагым. «Өзүңдү өзүң сүй!» Башкаларга «удобный» болбой. Өзүң каалагандай жаша. Бүгүн барбыз, эртең ким билет? Эмне болуп кетет…

Буйруса жаңы жылда сиз менен бөлүшчү жаңылыгым көп.Ошол күндөргө жеткизсин!», — деп жазган ал.

Add your comment

Your email address will not be published.