Кыргызстандын туңгуч президенти Аскар Акаевдин 16 жылдан кийин Ата-Мекенине кайтып келиши, коомчулукта карама-каршы пикир жаратты.
Журналисттер интернет айдыңында «Акаевди эл кечирдиби?», -деп суроо коюп, кызуу талкуу жаратууда.
Пикир билдиргендер арасында эски саясатчылар, саясат талдоочулар да бар.
Эл кечирбейт дегендер, «Бизде союздан калган индустриялык экономика бар эле, Акаев аны талкалап кетти» -дешет.
Ал эми экинчи тарап, «Акаев эски союздаш өлкөлөр арасында биринчилерден болуп чечкиндүү кадамдарга барып, Эгемендүулүктү жарыялаган, өздүк валютаны кабыл алган. Башка өлкөлөр ал учурда бизге суктанчуу«-дешет.
Союз таркаган учурда иштеп калган, мурдагы ЖКнын депутаты, саясатчы Өмүрбек Абдрахмандын пикирин толук беребиз.
— Биз эмес, инженердик потенциалы жогору Россия да эски заводдорун иштете алган жок: Горький автозаводу, Москвич заводу, ЗИЛ заводу, эски телевизор заводдору, трактор заводдору, самолёт заводдору… эмгиче иштебей турат. Ал заводдор чек ара жабык конкуренция жок кезде гана иштеген… Россия телевизор, чөнтөк телефон, компьютер, планшет, автомашина, жүргүнчү учак…, ал гана эмес дөңгөлөктүү трактор да чыгара албады. А бизде инженер деген жокко эсе, бир нерсе жасасак да Кытай менен конкуренция кыла албайбыз. Анын үстүнө Кыргызстандагы заводдордун дээрлик бардыгы согуш үчүн керек нерселерди чыгарчу. Ал жерлерде кыргыздар иштечү эмес. Бүт жумушчулар Россиядан келчү. Аларга квартира берчү. А биз, кыргыздар, орус кемпирлердин үйүндө бир комнатада квартирада жашачубуз. Бишкекте кыргыз тилинде жалгыз мектеп болгон. Бир аздан кийин ал да кыскартылмак. Бишкектин 25% жашоочусу гана кыргыздар болгон…Ошентип улут катары жок болуп бараткабыз. СССР өзүнөн-өзү өлүп калды, анткени социализмдин келечеги жок эле.
1990-жылдан баштап Кыргыз Республикасы нөлдөн баштады. Акаев президент болуп шайланды. Көптөгөн реформаларды жасады. Союзда биринчи болуп эгемендикти жарыялады. Жерди, малды элге бөлүп берди. Орустардын, кошуналардын каршылыгына карабай өзүбүздүн валютабызды киргизди, экономиканы менчикке айландырды, бизнеске жол ачты… Баардык нерсе биринчи болуп жаткандыктан тактикалык каталар да кетти. Бирок стратегиясы туура эле…
Завод-фабрика деп аткандар неге азыр аларды тургузушпайт? Жерди иштетип Кыргызстанды алмабакка айлантышпайт? Колунан эч нерсе келбегендер сындап жатышат… Ошол этапта коптогон өзгөрүүлөр болгон. Кошуналар бизге суктанышчу…
«Артты карай берсең — аңга түшөсуң » кыргыз макалы…
Предыдущая статьяВидео — Акжол Махмудовдун алтын албай калганына өксүп, жер койгулап ыйлаган жигиттин видео талкууда
Следующая статьяТемир Сариев мыйзамсыз камалды дейт юристер

ОСТАВЬТЕ ОТВЕТ

Please enter your comment!
Please enter your name here