Таалайбек Сарыбашев Бишкек шаарына мэр болуп келеби?

Бишкек шаарынын мэрлик кызматына Ош шаарынын учурдагы мэри Таалайбек Сарыбашев келиши мүмкүн. Ал эми Ош шаарынын мэрлигине президенттин иш башкармалыгынын жетекчиси Алмаз Мамбетов барат. Бул тууралуу социалдык тармактарга активисттер, журналисттер жазышууда.

Ал эми Ош шаарынын мэри Таалайбек Сарыбашев азырынча Ош шаарында экенин, «айтылып жаткан сөздөр тууралуу эртең, дүйшөмбү күнү белгилүү боло турганын» билдирген.

Бишкек менен Ош шаарынын мэрлерин шаардык кеңештин депутаттары шайлайт. Ош шаардык кеңеши биринчи сессиясына чогула элек. Бишкек шаардык кеңеши биринчи сессиясын өткөрүп, төрага кылып Куванычбек Конгантевди шайлады.

Add your comment

Your email address will not be published.