Камчыбек Ташиевдин уулу селден жакындарын жоготкон үй-бүлөгө 500 миң сом берди

УКМКнын жетекчиси Камчыбек Ташиевдин уулу Тай-Мурас Жалал-Абад облусунун Аксы районунда жүргөн селдин айынан жакындарын жоготкон үй-бүлөгө 500 миң сом берди.

Белгилей кетсек, нөшөрлөп төккөн жаандын айынан Аксы районунун Алты-Айры айылында сел жүргөн. Таштак айылында сел 2016-жылкы баланы агызып кеткен. Табигый кырсык сегиз адамдын өмүрүн алып кетти. Анын ичинен алтоосунун сөөгү табылды.

Видеодо көрүнүп тургандай, боз үйгө УКМКнын жетекчиси Камчыбек Ташиевдин уулу Тай-Мурас келип, каза болгондордун үй-бүлөсүнө көңүл айтып, аларга аштык берет. Жалал-Абад шаардык кеңештин депутаты Тай-Мурас Ташиевдин айтымында анда 500 миң сом бар.

 

«Мен – Ташиев Камчыбек Кыдыршаевичтин баласы болом, атым Тай-Мурас. Мен өзүм Жалал-Абадда турамын. Кечээ кабарды угуп калып, атамдар менен сүйлөшүп, жардам берип коелук деп… Өзү келе албай калды. Анан өзүмдү кетирди, меничи. Аба, мына бул жерде 500 миң сом акча… Расходдоруңузду, үй-бүлөңүзгө кичине жардам… Сабыр кыласыңар. Алланын буйругу ушундай экен… Атам келе албай калды. Жакынкы күндөрү келип калса, өзү учурашып кетет», — деди Ташиевдин уулу.

 

Add your comment

Your email address will not be published.