15-июнда юстиция министри Асел Чынбаева Баткен облусунун юстиция башкармалыгынын, пробация жана мамлекет кепилдеген юридикалык жардам боюнча кызматкерлерименен жолугушту. Бул тууралуу министрликтин басма сөз кызматы билдирет.

Жолугушуунун жүрүшүндө юстиция башкармалыгынын башчысы А.Зияев министрди иштеги жетишкендиктер жана болуп жаткан көйгөйлөр, ошондой эле кызматкерлердин иштөө шарттары менен тааныштырды.

Баткен облустук юстиция башкармалыгынын көйгөйлөрү материалдык-техникалык жактан камсыздоодо, башкаруунун штаттык бирдиктеринин жана мамлекеттик нотариустардын жетишсиздигинде турат. Мисалы, Баткен облусундагы райондордо бирден мамлекеттик нотариус бар, башкармалыктын аппаратында болгону үч киши иштейт. Ошондой эле башкармалыктын начальниги кийинки жылга Баткен облусунда юстиция органдары тарабынан мамлекеттик кызмат көрсөтүүнү жакшыртууга өбөлгө боло турган Юстиция үйүн түзүүнү сунуштады.

Министрликтин башчысы калкка акысыз юридикалык жардам көрсөтүү боюнча жергиликтүү өз алдынча башкаруу органдары менен кызматташууну күчөтүү, пробациянын кардарларын ресоциалдаштыруу, ошондой эле өзүнүн функциялык милдеттерин сапаттуу жана өз убагында аткаруу зарылчылыгы жөнүндө белгиледи.

Предыдущая статьяЭлчилик Орхан Инандынын аялынын арызын кабыл алган жок
Следующая статьяРахмон Кыргызстанда революция уюштурганы жатат, — тажик оппозициясы

ОСТАВЬТЕ ОТВЕТ

Please enter your comment!
Please enter your name here