Алымкадыр Бейшеналиев: «Уу коргошун ракты өстүрбөй кармап турат»

Бүгүн, 31-майда Саламаттыкты сактоо жана социалдык өнүктүрүү министри Алымкадыр Бейшеналиев Жогорку Кеңештин Бюджет жана финансы боюнча комитетинин жыйынында уу коргошундун пайдаларын атады.

Анын айтымында, Кыргызстанда 300-400 адамга клиникалык изилдөө жүргүзүлгөн.

«Уу коргошундун дозасын бергенде эң жакшысы, иммунитетти көтөрөт экен. Коронавирус менен ооруп жаткандар жөтөлгөндө какырыкты чыгарат экен. Үчүнчүдөн, кант диабетине пайда экен. Ашказан рагында биз 3-4-баскычында «медицина жардам бере албай калды» деп чыгарып койчубуз. Мына ошол ракты өстүрбөй кармап турат экен» , — деди министр.

Ошондой эле ал коронавирусту жалгыз гана вакцина менен жеңүүгө боло турганын кошумчалады.

Add your comment

Your email address will not be published.