Чоң Алайлыктарды чек ара тилкесин тажик тарап бузуп жатканын тынчсыздандырууда

Ош облусунун Чоң-Алай районундагы чек аранын кыргыз-тажик тилкесинде бардыгы тынч эмес. Бул тууралуу депутат Аккулу Бердиев парламент жыйынында билдирди.

Анын айтымында, тажик тарап чек ара тилкесин бузуп жатат деген маалымат бар.

«Министрлер кабинетинин төрагасы Улукбек Марипов менен Чек ара кызматынын төрагасын чакыруу керек. Тажик тарап буга чейин траншеяларды казган деген маалымат бар. Элдер коркушат. 1999-жылдагы окуялар Чоң-Алайдан башталган. Алардын кайталанышына жол берилбейт », — деди Аккулу Бердиев.

Төрага Талант Мамытов өкмөттүн Жогорку Кеңештеги өкүлүнөн депутаттарга маалымат берүүнү өтүндү. «Бүгүнкү күндө чек ара маселелери курч турат. Албетте, аларга тезинен реакция кылуу керек. Өкмөттүн өкүлү маалымат берет, анын негизинде күн тартиби оңдолот », — деди ал.

Add your comment

Your email address will not be published.