Исаков менен Текебаев чек ара боюнча Жапаровду колдошту

 

28-апрель күнү чек ара маселелери боюнча Садыр Жапаров арканды алыс ыргытып, Камчыбек Ташиев менен кошо генерал Исмаил Исаковду жана жаңы эле акталган Өмүрбек Текебаевди чакыртып, ийри отуруп, түз кеңешкендерин эшиттик. Президенттин колундагы маалыматы боюнча, Тажикстан тарабынан кандайдыр бир провокация даярдалып атканын бөлүшүп, мурунку Убактылуу өкмөттүн лөктөрүнүн чек ара тактоосунда мамлекеттик кызыкчылыкты партиялык же оппозициялык максаттан өйдө коюп, жалпы улуттук биримдикти камсыздоо талабын баары бир ооздон колдоого алышыптыр. Ошол жыйында Камчыбек Ташиев өзүнүн жүрөгүнө жасалчу операция аягына чыкпай калганын, тез арада барбаса, көрсөтүлгөн мөөнөтү да өтүп кала турганын айтып, сураныптыр. Анан ал эртеси учуп кеткен күнү түштөн кийин жаңжал башталганын карасаң.

«Азия Ньюс» гезити

Add your comment

Your email address will not be published.