Пт. Янв 21st, 2022

Саламатсыздарбы? Ичте толгон бугумду айтып, жеңилдеп алууну чечтим. Өз атымды айтпай эле, жөн гана ысымымды Фарида деп атап коёюн.

Жигиттер менен 19 жашыман баштап жүрө баштадым. Ал кезде борбор шаардагы тигүү цехтеринин биринде эмгектенчүмүн.

Үй-бүлөлүк шартка байланыштуу жогорку окуу жайда билим ала албадым. Ошол кезде бир жигит менен таанышып, кыз-жигит катарында сүйлөшүп жүрдүм.

Ал жигитти катуу берилип, бүт дүйнөм менен ушунчалык сүйдүм. Ал үчүн баардыгына даяр элем. Бир күнү кызуурак келип, жумуштан алып кетти. Экөөбүз адаттагыдай кафеге кирип, тамактандык. Андан соң мейманканалардын бирине бардык. Ал үчүн баарын берүүгө даяр болуп, өзүмдү арнадым. Мындай күндөр ортобузда көп болду. Боюмда болуп калбаш үчүн экөөбүз тең жакшы эле коргондук. Бирок кийин билгенимде, боюма бүтүп калыптыр.

Жигитиме айтсам, «Мен сага үйлөнө албайм, бирок көңүлүңдү ача алам. Тезирээк боюңдан алдыр» деп акча таштап алып кетип калды. Ыйлаган бойдон калдым. Аргасыз ооруканага барып, боюмдан алдырып таштадым. Ал жактагы дарыгерлер да каршы болушуп, кеңештерин беришти. Бирок мен макул болбодум.

Жаңы жаралып келе жаткан кызыл эт наристени көрүп, көңүлүм чөгө түштү. Ошентип айлар өттү, жылдар жылды. А жигитимден кабар болбоду.

Кийин дагы бир жигит менен төрт ай кыз-жигит болуп жүрүп, анан ага турмушка чыктым. Башыман өткөн окуяны айта албадым.

Кийин такыр боюма бүткөн жок. Кайненемдин алып барбаган жери калган жок. А мен мунун жообун билсем да, айта албадым. Жолдошум экөөбүздүн мамилебиз сууп, көңүлүбүз келишпей баштады. Үч жыл жашап, акыры эки айрым жолго түштүк. Учурда Москва шаарында иштеп жүрөм.

Наристе жытына зармын. Ар бир күнү кызыл эт наристемдин үнү кулагыма жаңырат. Кыйналып кеттим, абдан кыйналып кеттим… Жаш наристемдин өлүмүнө себепкер болгонума өтө өкүнөм… Кыздар, эч качан боюңардан алдырбагыла!

от jurik

Добавить комментарий

Ваш адрес email не будет опубликован. Обязательные поля помечены *