Адыл: Баткеним, кечир мени! Мен сага кайтып барам…

Билесизби?.. Сөзүмдү эмнеден баштаарымды таптакыр билбей турам. Айтор, мындан туура беш жыл мурун Москва шаарына катардагы мигрант катары келгем. Өзүм Баткен облусунун Лейлек районунун Жаңы-Жер айыл өкмөтүнө караштуу Арка айылынан болом.

Туулган жерге кайтып баруу оюмда такыр жок эле… Жакынкы аралыкта Россия жарандыгын алуу планымда бар болчу. Бирок азыркы кыргыз-тажик чек ара жаңжалынан кийин бул оюмдан кайттым да, Кыргызстанга билет алдым.

Эх, киндик кан тамган жерим… Кечир мени… Ата-Журтун таштоону пландап, айылын жерип жүргөн мендей жеңил ойлуу пендеңди кечир, Жаратканым…

Абдан өкүнүп турам. Буйруса, мен сага барам Баткеним. Уулуңду тосуп ал! Эми сени эч качан таштабайм!

Айбек нур

Add your comment

Your email address will not be published.